O lume contador de historias nace cando un raio aviva unha póla da única árbore de pamarandá que existe no mundo. Esa póla vaina recoller un pastor para escorrentar con ela os lobos que ameazan o seu rabaño. Para o lume contador de historias empeza nese momento unha viaxe durante a que vai coñecer personaxes excepcionais e realidades insólitas que lle axudarán a coñecer o seu destino.