Beste asko bezain aspergarria den egun batean, Aliziak lo hartu du eta Herrialde Miresgarrian sartuko da Untxi Zuriaren eskutik. Han, Sasidortoka, Bihotzetako Erregina, Cheshireko katua, Dukesa, Kapelagilea eta Martxoko Erbia ezagutuko ditu, beste hainbat fantasiazko pertsonaiaren artean. Haiekin askotariko abenturak biziko ditu.
Alizia Herrialde Miresgarrian duela 150 urte baino gehiago hasi zen haurren eta helduen bihotzak bereganatzen, eta gaur egun ere mundu osoan diren istoriorik maiteenetako bat da.Edizio berri hau Chris Riddellek bikain ilustraturik dago. Riddell gaur egungo idazle eta marrazkigile britainiar sarituenetako bat da. Aliziaren jatorrizko ilustratzailea den sir John Tennielen mireslea izanik, Chris Riddellek irakurleei Lewis Carrollek sortutako mundu zoragarriaren interpretazio berria eta liluragarria eskaintzen die.
