Libros infantiles de 6 a 8 años

Amatxok alde egin zuenean, guztia betiko aldatu zen. Amaren hutsunea sentitzea etengabe buru gainean hodei beltz bat izatearen edo itsaso erdian igerian aritu eta itsasertzera iristea sekula ez lortzearen parekoa da. Nola jarraitu aurrera?

Amona hil egin da eta haur batek ezezaguna den egoera berri honi aurre egin beharko dio. “Non dago amona?”. Erantzun baten bila zalantza berriak agertuko zaizkio bidean; ‘’Amona hiltzeak zer esan nahi du? Non aurki dezaket orain? Eta hemendik aurrera, nola izango da?

Ekin urtebete iraungo duen bidaia ahaztezin bati, planeta osoko animalia harrigarrienak eta argienak ezagutzeko, marrazki eta datu liluragarrien bidez.

Otso eta gizaki gosetien arteko Gerra Handiaren ondoren, azken otso baten presentziak Miloren herria izutu du. Izan ere, gerra hark bi alderdietan sarraskia eragin zuen. Ehiztari gaztea otsoaren bila aterako da, arkua beste armarik gabe, herrikideak babesteko borondate irmoz.

Txizalarri naizenean, nola eutsi datorrenari? Baina amak ez dit ulertzen. Zergatik ote da? Lagunek ezin dute ulertu gol erraz bat huts egitea. Baina zergatik? Aitonak ezin du ulertu logelan ni bakarrik gustura egotea. Zergatik ote?

Bizitza txiki-txiki hasten da, baina berehala hazten da, eta batzuetan erraza ez bada ere, beti eskaintzen dizkigu gauza miresgarriak eta bide berriak.

Luka dut izena eta nire laguna Utx da. Asko gustatzen zait aitona-amonekin egun batzuk pasatzera joatea, etxean debekatuta ditudan gauza guztiak egiten uzten didatelako. Eta zerrenda oooooso luzea da. Horretarako dira aitona-amonak, munduko tontokeria guztiak egiten uzteko!

Gaur Bruno ez doa pozik eskolara. Lagun mina gaixo dago eta ez daki norekin jolastuko den atsedenaldian. Kostatu egiten zaio lagunak egitea. Ez da ondo moldatzen futbolean edo kartetan. Ezta abesten ere. Hala ere, irakasleak irtenbidea eman dio: Zer daki egiten Brunok inork baino hobeto?

Pott familiak lasterketetarako auto zahar herdoildu bat erosi du. Benetako erakarpena du auto horrekiko. Tailerrean asteak buru-belarri lanean eman ostean, Pott familiako aitak lortuko du Chitty Chitty Bang Bang funtzionamenduan jartzea.

Maindi Maitagarri bihurtu nahian dabil. Baina ez daki horretarako eskolara joan behar duela, baina ez maitagarrien eskola batera, gizakien eskola batera! Misioa ikaskideen desirak betetzea izango da, nahiz eta arau batzuk ezarri dizkieten, hala nola magia ez erabiltzea.

Urtebeteko epean, Lurrean inoiz bizi izandako izakirik txundigarrienak ezagutuko dituzu: Tiranosauro beldurgarria, Titanosauro jator-jatorra eta beste mordo bat.

Doroteo eta Eliseo esploratzaileak dira eta edozertarako prest daude, tximeleta espezie berria ezagutzeko. Jantzi botak eta batu beren bidaia basati eta zorora, koralezko arrezife, desertu edo oihan tropikaletatik!