Libros y álbumes ilustrados

Maindi Maitagarrik probak gainditzen jarraitu behar du benetako maitagarri bihurtu nahi badu, baina gauzak zaildu egingo zaizkio ohartzen
denean eskola inguruan dabiltzan izaki magiko bakarrak ez direla eurak. Eta arriskua uste baino gertuago dute...

Bainua erritual gogokoa da haurtxoarentzat eta zain-zain egon ohi da une horretarako. Erlaxatzeko eta jolasteko une berezia da, partekatzeko. Sorta honetan bi liburu ilustratu txiki daude, haurtxoak animalia batzuk eta jolas objektu batzuk ezagutzen eta haiei izena ematen ikas dezan.

Safira Sparks munstro ehizan tradizio luzea duen familiako kidea da, nahiz eta inoiz ez duten batere ehizatu... Hori dela eta, lehenengoa izan nahi du, Munstro Izugarrien Ehizarako Taldean sartzeko. Safiraren lagun Jasper koldarrak lagunduko dio munstroak topatzen eta haiei aurre egiten.

Saguak erabaki du: aurten, kostaldean igaroko ditu oporrak.

Ba al dakizu triku batentzako oparirik okerrena zein den? Edo nola lortzen duten lehoien ile-apaintzaileek ihes egitea? Esan dezakezu zergatik ez dagoen barraskilo hanburgesarik? Presta zaitez txiste bilduma handia izateko; behin eta berriz kontatuko dituzu.

Warren Hoteleko oinordeko gazteak misioa du: antzinako etxe handi-handian ezkutuan dagoen altxor ospetsua topatzea. Dena Ikusten Duen Begia magia iturri agortezina dela uste da, baina Warrenek ez du ziur ikusten badenik ere.

Villavernes herrian bisitari ikaragarriak izango dituzte. Zonbiak dira, eta ez dirudi inor konturatu denik. Pantxo, Teban eta Josezer lagunek badakite hildako biziak arriskutsuak izan daitezkeela.

Honezkero badakizu zenbatzen, ezta?
BEJONDEIZULA! Liburu honetan, GAUZA asko dituzu zenbatzeko: baleak, ostadarra, euliak, tronpetak…
Baina bada baldintza BAT: ASKO jota BAT arte zenbatu beharko duzu. Ez pentsa gutxi denik! Eta ez baduzu hala uste, begira, begira…

Behin batean, bazen... Gea herensugea istorio bat kontatu nahian dabil, baina burrunba handia dago eta ez zaio ezer ongi ateratzen! Ai, ai, ai... Horrela jarraituz gero, sekulako kasketaldia izango dugu.

Manor etxaldean matxinada piztear dago.
Gizakiak dira haien etsaiak!
Animalia guztiak berdinak dira!

Uda amaitzeko zorian dago, baina Martinak sorpresa bat dauka Bioletarentzat: altxor ezkutu bat erakutsi nahi dio. Kontua da kostaldetik urruti samar dagoela eta itsasoak marea arriskutsuak dituela, ausardia eta ausarkeria bereizi behar direla…

Inork ez ditu ipuinak altzeak baino hobeto kontatzen. Baina gau batean, bere familiarekin batera suaren epelean eserita, altzeari ez zaio burura etortzen lehendik kontatu ez duen ipuinik. Ipuin-liburu bat behar du. Edo beharbada denek behar dutena liburutegi bat da.