Libros y álbumes ilustrados

Horra, horra, gure Olentzero!
Eta horra, Napo, bere asto kutuna. Gabon gau magikoa iritsita, hainbat gertakari biziko dituzte biek. Ipuinen herrialdean hasiko dira, eta Euskal Herrian amaitu.
Bidaia horretan, ipuinetako pertsonaia ezagunak izango dituzte lagun.

Maindi Maitagarrik probak gainditzen jarraitu behar du benetako maitagarri bihurtu nahi badu, baina gauzak zaildu egingo zaizkio ohartzen
denean eskola inguruan dabiltzan izaki magiko bakarrak ez direla eurak. Eta arriskua uste baino gertuago dute...

Orion haurrari beldurra ematen diote liztorrek, munstroek, txabolek, ekaitzek, txakurrek, armiarmek, eta altuerak, baina beldur handiena ematen diona zerta da... ILUNTASUNA!

Bainua erritual gogokoa da haurtxoarentzat eta zain-zain egon ohi da une horretarako. Erlaxatzeko eta jolasteko une berezia da, partekatzeko. Sorta honetan bi liburu ilustratu txiki daude, haurtxoak animalia batzuk eta jolas objektu batzuk ezagutzen eta haiei izena ematen ikas dezan.

Otsokok ez du nahi INORK laguntzerik. Nagusia da, eta gai da dena egiteko BAKARRIK. Baina Artikoko gau hotzean galtzen denean, konturatzen da denok behar dugula lagun bat aldamenean.

Mendi goietan, bi panda gorri, Popo eta Ketu ahizpak, goxo-goxo eta bero-bero daude amaren maitasunean bilduta. Hitzeman dute beren zuhaitzetik gertu egongo direla eta beti zainduko dutela elkar. Baina hazi ahala, esploratzeko grina ere hazi egingo da.

Harrikoskorren, galaxiako azken asteroidean, bizitzea ia amesgaiztoa da. Ia bakarrik; izan ere, Bicori eta lagunei aukera paregabe bat eskaini diete: Astrojokoetan parte hartzea. Noski, lehenengo Lingote jaunaren androide tranpatien taldea garaitu behar dute.

Nola lortu zuen bere argia ipurtargiak? Zergatik ditu zebrak marrak? Zein da arrain hegalariak hegan egitearen arrazoia? Zein momentutan hasi zen txakurra hezurrak lurperatzen? Nola sortu zen oilarraren gandorra? Nola lortu zuen barraskiloak bere etxea? 

Sope eta Lana deitzen dira nire gurasoak. Lur deitzen naiz ni, eta Bizkor gure txakurra. Bidaiari porrokatuak gara. Behin, beste planeta batera joateko aukeratuak izan ginen, eta abentura handiak bizi izan genituen hango bazterrak esploratuz.

Renata piano jotzailea da bere amak artista handia izatea nahi duelako, baina ingelesa ereikasten du, eta lorezaintza ikasten du... Eginkizun asko dauzka eta, horregatik, lagunekin jolasteko astirik ez dauka! Harik eta, jakina, Renata egun batez lo dagoenean jolasten hasi arte, gauean! 

Safira Sparks munstro ehizan tradizio luzea duen familiako kidea da, nahiz eta inoiz ez duten batere ehizatu... Hori dela eta, lehenengoa izan nahi du, Munstro Izugarrien Ehizarako Taldean sartzeko. Safiraren lagun Jasper koldarrak lagunduko dio munstroak topatzen eta haiei aurre egiten.

Sagua ibaian behera abiatu da lagun bati bisita egiteko asmoz, eta, patxada osoz arraunean dabilela, zenbait habitat ikusiko ditu helmugara iritsi bitartean. Animatzen al zara zu ere?