Libros y álbumes ilustrados

Liburu hau EZ da adarbakar bati buruzkoa. Tira... pixka bat bai. Baina adarbakar honek erabilera anitzeko adarra du, tresna txundigarriekin. Nik esango nuke adarra baino adar-tronpeta dela, adar-koilara, adar-puzgailua... Munduadarreko EZ-ADARBAKAR harrigarriena da!

Dragoiak antzinako ametsen iruditerian bezain presente daude gaur egun bideojoko, film eta telesailetan... Boteretsuak eta babesleak, naturarekiko eta miragarria denarekiko dugun lotura irudikatzen dute.

Hura bai hegaldi miresgarria!

Haiek bai letagin zorrotzak: tigre zuriarenak baino zorrotzagoak.

Haien atzaparrak gai ziren edozein arbola sustraitik ateratzeko.

Bakar baten orroak nahikoa ziren isiltasun guztiak apurtzeko.

Esmeralda dena hobetoezinki iruditzen zaion neskatoa da. Hala ere, gaur ezer ez doa ondo. Gehien gustatzen zaizkion gauzek ere ez diote arretarik ematen edo ez dira nahikoak. Esmeralda handitzen ari dela ohartu da; horixe gertatu da.

Galdetu dizute inoiz zer izan nahi duzun handitan? Ikerri galdetu zioten behin eta liburu honetan gorde zuen erantzuna.

Irakurle fin-fina da Iker ikerlaria. Erraldoi ere bilaka daiteke, oinak lurrean, liburua eskuetan eta burua… hodeietan. Irakurriz abentura miresgarriak bizi izaten ditu. Ezagutu nahi duzu horietako bat?

Pentsa ezazu soka bat duzula, eta baserriko hainbat animalia. Horiekin guztiekin gauza asko zinateke zerbait asmatzeko? Bada, ezinezkoa dirudien arren, Iker Ikerlariak iratzargailu bat asmatu zuen. Ikusi nahi duzu?

Lur irudimen handiko haurra da, baina arazo txiki bat du: askotan, lotsaren munstroak hitza kentzen dio, tak! Halakoetan kosta egiten zaio gauzak azaltzea. Baina Lurren familian ongi dakite hitzez bakarrik ez, bestela ere modu askotan konta daitezkeela gauzak: marrazkiak eginez, adibidez…

Suzko uztaiak, pailazo jantziak, hiru belarriko untxiak... Harrikoskorreko neska-mutilak magiaz betetako talde bati egin behar diote aurre.

Maddik ez zekien zer aurkituko zuen itsas hondoan, beldur apur bat ere ematen zion… Jakin al daiteke nolakoa den zerbait probatu gabe?

Jarri zutik, tente-tente. Luzatu zure adarrak eguzkirantz. Utzi sustraiei lurrean kiribiltzen.Hartara, tinko eutsiko dizute. Ikusi zeure burua: zuhaitza zara. Eta orain, begiratu zure ingurua. Ez zaude bakarrik. Zuhaitz askoren artean zaude. Horrela, elkarrekin, basoa izango zara.

Kosmek erabaki du ez dela beste untxiak bezalakoa izango.
Pixkanaka hasi da, baina berehala bilakatu da dantzaldiko izarra. Izango al da gai besteei erakusteko zu zeu izatea dela egin dezakezun gauzarik onena?