Libros juveniles de 10 a 12 años

Itsas azpiak hainbat sekretu ezkutatzen ditu. Baina beti ez gara horiek argitzeko gai. Askotan, gure herriaren historiako pasarteak ere badira ur artean.
Intzak eta haren lagunek uda ahaztezina igaroko dute Donostiako Kontxako badian biziko dituzten abenturei esker.

Biztanleriaren artean sarraskia eragiten ari den izurritearen ondorioz umezurtz geratu ondoren, Creyk Nalcar Haranera joan behar du osabarekin bizitzera. Osaba erregearen zaldun izandakoa da, baina orain beiraren artisau gisa egiten du lan.

XVI. mendearen amaieran Drake piratak eraso zien Izaron bizi ziren frantziskotarrei, eta han lurperatu omen zuen bere altxorra. Lau mende geroago, beste lapur batzuek ordura arte artxibo zaharretan gordeta izan den sekretua ezagutu eta plan bat prestatu dute altxorraren jabe egiteko.

Udako oporrak!!!

Agur eskolari, matematikako azterketei eta iratzargailuaren soinu jasanezinari.

Paulek kale izkinan ezagutu duen mimo bati lagundu nahi dio artista sentiarazten, aurpegiko kolore zuri-beltz eta sudur gorritik haratago, bizitzak eskaintzen dituen mila koloretara zabaltzen. Helburu horrekin, oparitxoak eskainiko dizkio artistari eta abentura ezberdinetan murgilduko da.

Hiru kanguruk Frankfurteko zootik ihes egin dute basurdearen eta azeriaren laguntzarekin. Ahalegin horretan basurdeari letagin bat puskatu zaio. Inguruko herri txiki bateko umeen lagun egingo dira animaliak eta ia egunero jolas egingo dute hauekin.

Asierrek bere anaia nagusia zuen lagunik handiena. Baina bakarrik geratuko da, anaia beste ikastetxe batera joaten denean. Gainera, etxe ondora etorriko diren bizilagun berriek, ez dute gauzak argitzen lagunduko.

Lucasek bere urtebetetzean gurasoen oparitutako teleskopioa probatzea erabaki zuenean, ezin zuen imajinatu nolako ezustea izango zuen leihoaz bestalde.

Ainhoak 10 urte ditu eta ametsetan eginkizun zaila jaso du: Arrikruzko leize-zuloan dagoen lehoikumearen hezurdura bilatu eta amaren ondora eramatea, haren babesean egon dadin beti. Lan zaila Ainhoak eta haren lagun-taldeak hartzen dutena, inork ez baitie sinesten.

Mundu osoko eta garai askotako maitagarrietarako hurbilketa modukoa da. Maitagarri moten arabera sailkatuta daude: Japoniako kappak, meigak, hiru Parkak edo basoko Loti ederraren zazpigarren maitagarria, esate baterako.

Anderrek nola edo hala bere alboan nahi du aitona Joxe. Etxean ikusi nahi du, lehen bezala, eta ez zaharren egoitzan, triste-triste. Gainera, laster pilota txapelketa jokatu behar du, eta aitona partiduak ikustera joatea gustatuko litzaioke mutikoari.